Descripción

Jaime Lehen Hezkuntzatik ikastetxe erlijioso batera joan da eta, bertan, ikasteaz gain, futbolaz gozatzen du. Pixkanaka, Jaimeren tutore eta irakasleak haurrari buruzko interesa agertzen du. Hasieran, matematikako notak hobetzea edo Jaimeren izaera indartzea dira irakasleak tutoretza indibidualak areagotzeko dituen arrazoiak.

Bi ikasturtetan zehar, beldurrak, erruak eta lotsak Jaimeren egunerokoa hartuko dute, eta baita ondorengo urteak ere, trauma osteko sintomak sufrituko baititu. Istorio honetan, justizia bila dabiltzan guraso batzuek, bere frogetan konfiantza duen abokatu batek eta termino klinikoak bilatzen dituen psikiatra batek politika, interesak eta aurreiritziak nahasten dituen trikimailu hierarkiko bati egin beharko diote aurre.

Arauzkoa ez denarekiko gorrotoak, gutxiengoarekiko diskriminazioak eta ahularekiko indarkeriak markatzen duten benetako gertaeretan oinarritutako testu deseroso honetan autoreak ez du beste aldera begiratzen hainbeste aldiz ezkutatutako edo desitxuratutako gai polemikoak jorratzeko orduan.

Jon Viarren ‘Zauri sendaezina‘ ez da lgbtiq+ antzezlana, baizik eta erakunde batzuetan jazotzen den homofobia historikoari, influentzia-trafikoari eta boterearen gehiegikeriari buruzko testu-dokumentala.